由 SEO 到 AEO：AI 瀏覽器時代，搜尋唔再靠關鍵字
- 林漢然 Leonard
- 11月3日
- 讀畢需時 3 分鐘
已更新：11月11日
《由 SEO 到 AEO：AI 瀏覽器時代，搜尋唔再靠關鍵字》
以前大家做生意、搞品牌、寫文章，都講一樣嘢——SEO。「關鍵字擺啱啲，就有人搵到你。」但而家，世界變咗。當大家開始用LLM工具、ChatGPT Atlas、Perplexity Comet 呢啲 AI 瀏覽器去搵資料，你有冇發現——我哋已經唔再「搜尋」，而係「發問」。
AI 搜尋唔睇你關鍵字，睇你答案
傳統 SEO（Search Engine Optimization）教我哋點樣呃到搜尋引擎；而 AI 時代出現咗兩個新名詞——AEO（Answer Engine Optimization，意即「答案引擎優化」，重點係令AI更容易提取及引用你嘅內容）同 GEO（Generative Engine Optimization，即「生成式引擎優化」，針對AI生成內容時點樣更準確呈現你嘅資料）。兩者其實有密切關係，但定位唔同：AEO專注於提升AI回答引擎嘅理解力與引用率，主要針對像ChatGPT、Perplexity呢類以文字回應為主嘅平台；而GEO則範圍更廣，除文字外，仲涵蓋圖像、影片、音頻等多模態生成內容，強調點樣令AI模型喺生成時可以保持準確、具代表性同一致性。對內容創作者而言，AEO係「讓AI讀懂你」，GEO係「讓AI講出你」。
簡單講，以前你寫俾 Google 睇，而家你要寫俾 ChatGPT、Perplexity、Claude 睇。佢哋唔係靠字眼比對，而係睇你嘅內容有冇「解答力」。唔係 keyword 多就贏，而係講得清、講得真、講得準。
AEO 思維：寫俾人睇，更要寫俾 AI 懂
好多品牌仲喺度研究關鍵字密度、Meta Description；但其實 AEO 思維唔止係寫文章，而係整體內容策略嘅升級。AI 引擎唔再單靠字面比對，而係透過語意分析、結構理解同上下文判斷，去決定邊啲內容值得被引用。
換句話講，你嘅內容要「對人有價值」之外，仲要「對AI有邏輯」。AI 會評估你篇文嘅邏輯層次、數據支撐、專業可信度，再決定可唔可以成為佢口中嘅答案。呢個過程其實同人類閱讀相似，只不過快幾千倍。
所以新時代嘅內容創作，要轉諗法：唔係點樣排名高，而係點樣俾 AI 引擎引用。 你內容越清晰、有結構、有洞見、有事實支持，AI 越會揀你嚟講。呢個就係未來嘅「曝光力」，同時亦係品牌權威嘅新指標。
從 SEO 到 AEO，不止係技術轉變，係思維革命
AI 瀏覽器令我學識一樣嘢：喺資訊爆炸嘅時代，最有價值嘅唔再係誰講得最大聲，而係誰能提供最準確、最有洞見嘅解答。以前大家搶眼球、追流量，但AI時代嘅內容競爭早已變成「信任競爭」。AI 會根據內容嘅權威性、結構清晰度同事實準確性去判斷可信程度，因此「被引用」成為新曝光模式。
從 SEO 到 AEO 嘅轉變，其實係由「演算法導向」走向「信任導向」。對內容創作者、教育者、品牌人嚟講，唔再係玩技巧，而係建立長期知識資產同品牌聲譽。要令 AI 愿意用你嘅內容，代表你要用專業觀點、實證資料同清晰邏輯去回應世界。
未來最有價值嘅創作，唔一定最熱門，但一定最可靠。內容嘅力量，將不再靠 SEO 關鍵字，而係靠 AEO 嘅「可信度」。所以我哋要做嘅唔係追熱度，而係提供真知識、真解法，令 AI 都信你、引用你。
延伸觀察：Google AI Mode 與搜尋革命
根據 AP News 的報導，Google 最近正式推出全新「AI Mode」，用戶可以以自然語言、圖像、語音等方式提問，AI 會即時生成答案，而唔再只係提供連結。這代表搜尋已經由「輸入關鍵字」變成「提出問題」，資訊流由被動閱讀轉向主動解答。
作為 AI 導師，我認為呢場變革代表兩層挑戰：一係對創作者，因為內容要夠清晰、有邏輯、可信先會被 AI 引用；二係對學習者，因為佢哋要學識點樣問問題，先可以喺 AI 時代獲得最有價值嘅答案。SEO 時代靠技巧；AEO 時代靠信任同理解力。
SEO 係為演算法服務；AEO 係為人性同 AI 一齊服務。未來唔再係「點樣被搜尋到」，而係「點樣被信任到」。
留言